Panunumpa para sa Ikatlong Termino ng Paglilingkod Alay sa Bayan
Pormal nang nanumpa sa kanyang ikatlong termino si TGP Partylist Representative at Deputy Majority Leader Congressman Bong Teves, Jr. para sa Ika-20 Kongreso sa isinagawang Mass Oath Taking na pinangunahan ni House Speaker Ferdinand Martin G. Romualdez sa House of Representatives. Kasabay rin niyang nanumpa ang kanyang anak na si Mayor Paolo Teves ng Baras, Catanduanes na kasalukuyang LMP President ng Catanduanes, kasama ang iba pang mambabatas, lokal na opisyales mula sa iba’t ibang bayan, syudad, at probinsya.
Panibagong yugto ng pagseserbisyo ang sisimulan nina Cong. Bong Teves Jr. at Mayor Paolo Teves, bitbit ang mga adbokasiyang tunay na para sa tao—hanapbuhay, kalikasan, kalusugan, at kabataan. Sa bawat panunumpa, kasabay ang pangakong magpapatuloy ang tapat, makatao, at progresibong pamumuno.