Muling ipinagpatuloy ng TGP Partylist ang pamamahagi ng gardening tools at vegetable seeds kaugnay ng mga proyekto nitong “Gulayang Pambarangay” at “Gulayang Pampaaralan”. Ito ay sa pakikipag-ugnayan ni TGP PL Representative Cong. Jose “Bong” Teves Jr. sa Department of Agriculture (DA 4A) at sa National Movement of Young Legislators (NMYL – Laguna Chapter). Unang pinuntahan ang bayan ng Santa Maria, Laguna kung saan ay pawang mga paaralan ang naging recipients. Ang pamamahagi ay sinaksihan ng project proponent na si Santa Maria Councilor Wennie Jude Niipay, kasama sina Santa Maria Mayor Cindy Carolino at Municipal Agriculture Officer Carlo Sumaria.