Maging mapanuri sa lahat ng makakausap natin at iaalok na tulong sa atin at mga kasama. Tulad nitong nasa Video na sa halip na makatulong sa kanyang mga kasama ay naging tulay pa sya na maisakatuparan ng lubos ang pananamantala sa mga taong nangangailangan…

Aralin muna natin ang bawat dokumento na ipinapakita at mga taong nag-aalok ng tulong kung totoo… Kung totoong tutulong ay hindi kailangang may kapalit lalo’t galing ang tulong sa pamahalaan.

Kagustuhan man natin o hindi ay may pananagutan tayo kapag nagpagamit tayo sa mga gawaing labag sa batas.

Maging aral nawa ito sa marami.

Sa halos apat na taong nakaupo sa Kongreso ng TGP Partylist sa pamumuno ni Deputy Majority Leader Congressman Bong Teves Jr. ay isa sa pinagkaabalahan natin ay ang pagbibigay ng tulong medikal at pinansyal para sa mga kababayan nating may sakit at lubos na nangangailangan…

Nakalulungkot isipin at makita na may mga taong kailangan pang dayain at gumawa ng huwad na dokumento o itinakdang requirements ng mga ahensya ng gobyerno para lamang makakuha ng Medical Assistance. Nito lamang huli ay nakakaawa ang 5 biktima na nabigyan ng huwad na Medical Abstract na Senior Citizen pa ang ilan…

Ating isipin at unawain na nagtatakda ang ating gobyerno ng requirements hindi para pahirapan ang ating mamamayan kundi upang pag-ingatan lamang ang pondo na inilalaan sa mga indigent nating mga kababayan.

MULI NAMING TINAKPAN ANG ILANG BAHAGI NG AUDIO/VIDEO UPANG HINDI MAAPEKTUHAN ANG MIYEMBRO NG PAMILYA NA WALA NAMANG NAGAWANG PAGKAKAMALI.

PARA PO SA KAALAMAN NG LAHAT NA MAKAPANONOOD NG VIDEO NA ITO, KAUGNAY ITO SA SINUNDANG NITONG PUBLIC APOLOGY NA POST AT ITO AY NAIDAAN NA SA PAG-UUSAP SA BARANGAY. BUKOD SA IBABALIK NILA ANG PERA SA MGA TAO AY ITO ANG NAPAGKASUNDUAN, ANG PAGGAWA NG VIDEO PARA MAGPUBLIC APOLOGY.

Ipinapaalala po namin sa lahat na ang mga biktima ay maaari ring makapangbiktma kaya mag-ingat po tayong lahat..